جيهان فتحى ...........فـــــرعـــــــون والعـــشــــــــق :::

فرعون ده لما عشق

جبروته سابه ف جنب

والقلب منه اتفلق

شقُّه شعاع الحب

فرعون ما عاد فرعون

بقى نبض قلب حنون

قام من مكانه اتخلع

لما نعس ف عيون

فرعون شرب كاسه ..

نسي بقيت ناسه ..

ولا عاد قادر ع الصبر ..

غرقان ف إحساسه ..

والحب صار دولة (و) ..

مملكته فوق راسه ..

أسيا قالت بشويش

عودني ع طباعك

فرعون صرخ ده مفيش

غير قلبي ف صباعك

بس إنتِ ما تزيديش

ع القلب لو طاعك

فرعون ده لما عشق

كل الجبال خرت

والبحر قام اتحرق

كل الشباك فرت

ولا عاد يحوم أسماك

ولا نسمة يوم مرت

أسيا اشترت فرعون

بالحب والكلمة

زرعاه ف حضن زتون ..

روياه من الحكمة ..

ولا يسوى حبه الكون ..

ده الحب 100 نعمة ..