بقلم محمد الساعى عنوان القصيدة انت قدرى

إنت قدري
أنت قدري مش اختياري
يبقى ليه ف حبك اداري
دانت ليا الكون بحاله
يعني قلبك هوا داري

مستحيل انساك لثانيه
أو افكر يوم في بُعدك
دانت عندي أحلى دنيا
مش هاعيش لو لحظه بَعدك
ياحبيبي انت اللي ليا
ضحكتي وفرحة عنيا
لو هاتيجي ف يوم عليا
تبقى بتشعلل في ناري
دانت قدري مش اختياري

ياحبيبي يالا قرب
للعيون مشتاق يوماتي
نحضن الايام ونهرب
تيجي وتنور حياتي
نخلق الدنيا الجميله
ويا غنوة شوق طويله
ياحبيبي مالي حيله
غير أحبك .. وانت داري
دانت قدري مش اختياري

م البعاد زادت جروحي
وانت غايب لك سنين
رَجَّع الفرحه لروحي
وللعيون المشتاقين
نفسي اضمك جوا حضني
ياللي م الدنيا واخدني
بس لو مره تهاودني
وقتها هايكون قراري
انت قدري مش اختياري