نن عيونك ، بقلم / محمد عمران

كنت بخاف م النوم فى الضلمة جوه عيونك

وبسرعة دموع الشوق تدلع تروى خدودك

جوة فى نن العين حدوته بسحر الشوق ال وهبتولك

تلقى رموش العين تتمايل برعشة بسيطة بنن عيونك

وأنا قدامك شايف حالى بنن العين سارح تايه جوة جفونك

يالى عيونك تسحر قلبى اوعى فى لحظة الحب يخونك

تهرب منى وتجرى تخبى فرحة عمرى بين الجفن بنن عيونك

أيوة بحبك والله بحبك وعاشق حبك

وعاشق سر الكون بجفونك

عاشق دمعك

لما أشوفه مرجان نازل بلون البدر يرسم قلب فوق بخدودك

يالى فى حبك

عشت حياة الحب أصونك