قصيده عامي هبقلم محمد حماده(الحسيني) (صوت شهيد)

محمدلبيب 1:59:00 ص خاطرة

هانوني و سحلوني و بالرصاص رموني
انا ابن الحره
لما قلت حقي.......
لفقولي تهم و ف الزنازين رموني
كافئوني بعتمه
و خلوا كلابهم ينهشوني
جابوا جلاد و يضرب
ودموعي بحور ف قلبي خبتها جفوني
مش هايسكتوني لو موتوني

طلعوني سلم عذاب
و الجمر يلسع
و الغدر ف عيون الذئاب
و الكبر يلمع
و صوتي العنيد يكبر (مش هاتسكتوني)
خدوني ع الانفرادي
و حكم القاضي خمسه احتايطي
و كانوا بكاسات المر يكافئوني
جابوا ولادي و يعذبوهم
بس ولاد الحره ثبتوا و هنوني
جابوا صغيرهم و عروه
و هدموا حلمه قدام عيوني
و صوتي يكبر مش هاتسكتوني
لحد ساعه الصفر
جابوا عرضي و هددوني
حطوني ع الرحايا هايطحنوني
و ربي الكبير يقويني
و اصرخ مش هاتسكتوني
راحت مراتي
قتلوا ولادي ف صلاتي
و بعد الصلاه
خبي سلاحه
و يقول الدم ليه حرمه
و انت خطر ع الامه
فلازم تموت لاجل م تروح الغمه
كتبت بعد 30 يونيو

ليست هناك تعليقات

الاشتراك في: تعليقات الرسالة ( Atom )