شويـــ عليكـــــى : بقلم / أميرة الألفــــى
شويــــــة
عليكــــــــى
---------------
ما يهمكيش كل اللى نادى
وقال دى مصر ماتهمنيش
ما يهمكيش أى حد
قال من غيرك هقدر أعيش
ده مهما سافر ولف بلاد
مهما راح وقال يا بعاد
بيشتاقلك فى كل وقت
ده بعد بلدى يحلا الممات
لو قولتلك إنى بحبك
لا حبيبتى شوية عليكى
أنا يا أمى نفسى أضمك
وأحس حضنك ما بين إيديكى
ده مهما قولت وأحكى ليكى
مقدرش أوفى إحساسى بيكى
يا أرض خصبة ونيل بيجرى
ياورد طارح فى الجناين
يانفوس وصافية بتحب بعض
وروح جميلة فى المداين
وإن مت عشان أحمى أرضك
ماتقوليش إنى شجاع
دى الرجولة إنى احمى عرضك
غريزة فيا مش إندفاع
لو قولتلك إنى بحبك
لا حبيبتى شوية عليكى
أنا يا أمى نفسى أضمك
وأحس حضنك ما بين إيديكى
ده مهما قولت وأحكى ليكى
مقدرش أوفى إحساسى بيكى
ده أنا أموت وأنتى تعيشى
أنا بحبك لأ ماتخافيش
أوعى تحسى بإنكسار
ده أنا بعدك أكيد مليش
يابلدى أنتى ربيتى صح
ده ريحتى من ريحة ترابك
هعلى صوتى وأقول الحق
تعيشى يا مصر أنتى بشبابك
ليست هناك تعليقات