وقفه بقلم أ بــــــو عـــمـــــــــــا ر ا لــــمــــصــــــــــــر

و قـــفــــــــــــــــة
ولما تكونى واقفة هناك
يا ريت تدعى ....بلم الشمل
وتدعى لنا يقوينا
يقدرنا على دة الحمل
أرض الخير ...سكنها البور
وعشش فيها ألف غراب
وميت دبور
بيغتالوا ..عقود الفل فى الميادين
وزارعين ..فى السكك ضلمة
وسارقين من عيوننا النور
وايعضوا فى أعراضنا
وأعراض البنات الحور
وأنت هناك على عرفات
جبل من نور
ملايكة بألف ألف جناح
وسا معينك ..وبيقولوا وراكى آمين
يخلصنا من الظالمين
ملايكة ربى ...عارفينها
وحبينها ..ورب الكون محصنها
وزيدى ف دعوة المساكين
يفك قيود رقابينا
يهون ..ضلمة المساجين
و يقبل شهدا
كانوا سجود ..كانوا ركوع
يفك الكرب عن نيلها اللى
بات موجوع
وجارى بدم فى نهارها
وطول الليل ...بدمع حزين
وحطى إديكى ..ع الكعبة
وطوفى هناك مع الصحبة
ولبى وكبرى ...وسمى
يا رب البيت
بحق نبيك المختار
و آل البيت
ضيوفك وانت كارمهم
فتكرمنا
ونتمنى نكون بينهم
ما تحرمنا
وشيل العتمة من سكتنا يا رحمن
وتكفينا شرور الإنس قبل الجان
تفك الأسر
وقيود الحديد والنار
وأنت هناك
ما تنسى
سلامى لسيد المخاليق
ودعوة منه للمولى
ببلة ريق .......تراب أرضى
دى منها ..مريم الطاهرة
وهاجر ..أم إسماعيل
فداه ربه ...بكبش ذبيح
قولى له.... أهلها مجاريح
على إدين اللى ما يخافوا
شافوا التباريح
ولما تسعى ...وتروحى
عند الحجر
قولى له سلام
يا أسود لونك البرانى ..بنشوفه
وقلبك ..صبح
نور الفجر .....فرد حمام
يا ريت كانوا البشر ..لونك
لكن شايلين
ما بين الضلع والتانى ..قلوب صافية
قلوبهم أقسى م الصوان
على الغلبان
آدى حالنا.....وشكوتنا
يا رب الكون ..بحق اليوم
تسمع منا شكوتنا..ودعوتنا
يا رحمن العباد ....غيتنا
يا رحمن العباد
غيتنا