بحبك أنا ، بقلم / محمد حسانين

ضايع الحق فيكى من كام سنة

عشرة عشرين تلاتين أربعين ..........

تصدقى ,,, مش فاكر أنا

مر العمر بيا حزين

والنيل ليه محنى ذليل

شربت منه ما ارتويت هنا

جراح فى جراح

عمرى راح

أتشعبط فى أحضانك أنا

ليه القسوة دى

عملت إيه أنا

حلمت إنى طير فى سماكى

قبل ما أرفرف.... برصاص الشر

وقعت على الارض أنا

فى قفص الصبر عمرى راح... دوبت أنا

روحى تتألم جراح

وإنتى ليه زى الحجر

ساكتة ليه

دموعى حنيت ليكى

وأنا بطيب جراحك

وإنتى ليه مطيبش جراحى أنا

كتروا الغيلان فى أرضك

قسموا الغنايم من كام سنة

وانتى وانا مربوطين بحبل العشق

يا ريتنى..............

آه..... بحبك أنا