بقلم لمدثر بن يحيى عنوانالقصيدة رباعيات أسكندرانى

...........

فى زمن الكدب وزمن الخوف
فى زمن الزحمه لف وطوف
عبى خداع عبى مهانه
بس أبعد عنى أعمل معروف

......................................
مصر يامصرى تمصمص فيها
تشرب نيلها وتتباها بيها
وأما تعوزك تتحامى فيك
ليه تهرب منها وتأسى عليها

........................................
شفت كتير زيك وقليل
ناس كدابه بوش جميل
بس مشفتش حد فى خيبتك
فى الصبح حبيب ينساه باليل

.......................................
وأنا وياها بننسى الناس
سوا والسوا سحر وأحساس
كله مكانه وكله منظم
قلب فى صدر وعقل فى راس

.........................................
شفت الناس بتلف تدووور
توهه وزحمه وناس بالدور
وهى حقيقه واحده وبس
والكل هييجى ليها بالدور

......................................
هحكيلكوا حكايه كدب وغش
كان يجرحها تقول معلش
هو بيأسى وهى تسامح
ربنا علمها تخاف على العش

...........
...........