بقلم احمد صبريعنوان القصيدة انا الغلطان

انا الغلطان
وبكتب اعترافي
شاعر احزان
وبدون القوافي

تعرفوني
ولا متعرفونيش
حفضل بموت
ولامسيري هعيش

كل اللي عايز اقوله
نسيته واتنسيت
وعرضه زي طوله
صاحبت او حبيت
روحت ولا جيت
بفضل انا خسران
اندم واقول ياريت
برده انا الغلطان

انا الغلطان

وبعتزر لو يوم جرحت
والف يوم اتجرحت
سنين حزن وشقى
وناسي اني فرحت
حاولت افرح كتير
ماعرفت
فرع الفرح دبلان
صبرت نصيب
سمعت
عن كل شيء باْوان
على ايه انا زعلان
عارف انا الغلطان

معرفتش اتعامل
على كل الالوان
وانافق واجامل
اخرج من الانسان
معرفتش احسبها
متعلمتش زمان
مشاعري دي اسيبها
عشان ملهاش مكان
بدي الناس الامان
وارجع انا الغلطان