..((.. زمن العجايب ..)) ==بقلم عونى هشام

عشان انت حملك كان تقيل

بلاش تشيل فيه الوجع --

-

انا شيلت قبلك ناس كتير

ونفسى وياهم انقطع -

لكن انت من طبعك اصيل

فقير و عمرك ما تميل

بتسعى وتساعد الجدع

الغدر شفته كان كتير

واحتار محاه ضارب الودع-

مش كل كلمه انا قلتها

او كل فكر بيتسمع

يا ما كتير قبلينا حب

واخرة الحب اتخدع

نزيد همومنا نشوف جراحنا

طب قولى مين قلبه خشع

الاخ قام يقتل اخوة

يلعن جدود حتى ابوه

احنا فى زمان

ولا الزمان منا خلع

زمن العجايب والعجايب فيه كتير

تكون فقير ما تنسمع

تكون حرامى نجمك سطع