بقلم بقلمى قيثارة عنوان القصيدة بكرة الداين يدان

بكرة الداين يدان
مش انت خنت زمان
جاية وقت عليك تتهان
وتكون انت الندمان
اوعى تفكر انا قلبى
هيحن لقلبك تانى
لانسى دة كان زمان
بكرة الداين يدان
وتجينى وتترجانى
وتقول نرجع من تانى
وانا اقولك كان على عينى
معلش دة كان زمان
انا كنت بصونك وانت
خنت الاحساس والعشرة
وكان الحب ماكان
كان حب دة كان احلام
انت مصنتيش اخلاصى
بعتنى من ساسى لراسى
دوست انت على احساسى
ياخسارة ضاع اخلاصى
بعته انت كانه ماكان

معقول كان حبك كدبة
معقول كان كله خداع
كنت فى حبك مخدوعة
وصبحت بية موجوعة
والبيت اللى انت بنيته
انت بايديك هديته
وجرحت القلب الطيب
اللى ماعمرك حبيته
بس انت كتير غشيته
وضحكت علية وبكيته
بكرة تشوف الحرمان
وتكون انت الندمان
بدعيلك تشرب نارى
وتدوق من نفس مرارى
والكاس بايديك حطيته
بالسم انت اللى مليته
زاى ماسقيتنى هتشرب
وتجرب طعم الكاس
انا مظلمتيش صدقنى
انا بس برد الدين