بقلم علي عبد الحميد سليم عنوان القصيدة : تخاريف قلب عاشق

قلبي اللي داب وانكوى مالعشق مات
كتب الوصية الاخيرة بحكمة وثبات
واحنا فقلب العزا قلبي اللي ميت نط
لما سمع نهنة بتقول ياريته ممات

مأنا قلبي اصله ضعيف ومعندهوش مبدء
يعشق جمال بنت حوا يسمعها ويصدق
ومهما شاف منها من قلش او تطنيش
يزعل مجرد يومين ويرجع من تاني يتدلدق

غلبتني يا قلبي متقولي عايز ايه
ليه بس تعمل كده انت عبيط كده ليه
نفسي اشوفك يا قلبي واقف كده راجل
مش اي كعب يعدي تجري وتعشق فيه