""وابور الجاز"" بقلم// محمود وحيد

وفين هو وفين ألاقيه

وابور الجاز وأيامه

ولمتنا فى قلب الدار

وكل الأهل قدامه

وضحكة ويا سهرابة

حكاية تجر فى حكاية

ولقمة هنية ترضينا

وحبة شاى فى كوباية

وابور الجاز زمن طيب

وقصة حب محفورة

براءة وطهر للماضــى

وعزة نفس مسطورة

قلوب الكل فرحانـــــة

فى عز شتاها سهرانة

يدفيها وابور الجاز

تنام راضية وشبعــــــانة

يابووووووووووووووووووى

لويعـــــــــــود تانـــى

وترجع تانى لمتنـــا

نغنى الحب من تانى

وكل بيوتنا دار واحد

نوحد ربنا الواحـــــد

نخاف على بعض ونقرب

مفيش بينا ولا جاحد