قصيدة للشاعر / آسر طرباي .....أنا مصري
أنا مصري حتي النخاع
مهما يحصل من صراع
جوه دمي نيل بيجري
عمر قلبي في يوم ما باع
الحقيقة اني دايب
ليها عاشق ليها حابب
مهما قلت ومهما عدت
الكلام هيبقي واجب
بس انا حبي يفوق
أي درب من الخيال
نفسي كل الناس تدوق
من رحيقها اللي سال
حبي ليها نوع فريد
حب أاكد م الاكيد
بين دموعي وابتسامتي
كل لحظة عندي عيد
شفت كل الكون ده فيها
عمري كله عيشته ليها
عشته جوه لون عينيها
م الهوا بخاف عليها
هي عمري وهي قدري
هي اجمل شيء في نظري
هي حلمي وهي صبري
هي شمسي وهي قمري
هي وردة جوه رسمي
نورها مادد جوه جسمي
منها حرف الره في اسمي
حبي ليها رسمي نظمي
مصري انا حتي النخاع
ليست هناك تعليقات