مبيسواش بقلم : علي سليم

مبيسواش
ــــــــــــــــــ
من حقي استغرب بعد سنين انك فاكره وبعتالي جواب
لما اعرف من وسط كلامك انك نفسك نرجع احباب
من حقى اسأل طب ليه دلوقت؟
من بعد مدوبت كتير واشتقت
وهقولك ايه اصلي مصدقت
ارتاح من حب طلع كداب
ـــــــــــــــــــــ
من حقي أفكر واحسبها انا هاكسب ايه لما ارجعلك
مانا قلبي اتغيرعلى فكره مبقاش من تاني بيسمعلك
اصلى اتعلمت ان في حبك ما اديش ببلاش
واما اللي بأحبه يكون معهوش يبقا ميسواش
ـــــــــــــــــــــــ
علاقتنا كان اللي حاكمها سوء التقدير
احساسي فحبك كان مخلص وبكل ضمير
كان فاكر قلبي ان انتي ملاك مليان احساس
واتاري طموحك اكبر مالاحساس بكتير
ـــــــــــــــــــــ
انا بالنسبالك الغلطة اللي ندمتي عليها
انا كنت مجرد شماعة متحججه بيها
مبقاش ينفعنا اننا نرجع ونحاول تاني
مختلفة السكة اللي مبينا وازاي نمشيها