أبــــو عـــمــــا ر ا لـــمـــصـــــــــــر ى...< ح > حـــر فــيــــــــــــــن < ب >

حتى فى صمت الكلام

القلب سامع همستك

ساكتة الشفايف

جزة قلبك .شوق وخايف

م الكلام

بس فى عنيكى الأمانى

وضحكتك

..عشق وغرام

بتدارى جواكى اللى

باين فى العيون

قلبك يسلم

وف إديكى رعشة

بتهز السكون

حاضنة بشوقك

شمعة للقلب الحزين

وتطبطبى بكل الحنان

على جرح نايم من سنين

يا نبتة الحلم الجنين

يا عيون بتهدى الحيرانين

يا عيون أمارة وطيبين

إتكلمى

طب سلمى

شوقى اللى نازف ..لملمى

قلبك دهب

عاشق وخايف م الغرام

مليون سبب

فكى الحصار

عن شوق عيونك واطلقيه

عصفور وحبساه بين ضلوعك

إفتحى له ...خرجيه

خلى القلوب

تفرد جناحات الأمل

سيبى الإدين

تلمس شرايين الوجع

وانا صوتى ما لمسشى البراح

ولا مرة يحلم يتسمع

يا نجم جوة ضلمتى

ضيّـه لمع

سيبى الشفايف يوم

على خدودى تنام

وانا باقى عمرى

ليكى عقد ومكحلة

بزيادة صمت وأسئلة

المسألة

همس الشفايف

قال كلام

ونبض قلبك قال كلام

ما يهمنيش الصوت

ولو مش حسمعه

يكفينى حرفين

من حروف كل الكلام