وبتجيني شعر/ محمد محمد الساعي
والاقي روحي م الفرحه
بقيت طاير
كأني طير على الاغصان
وبيغرد
فارد جناحته للدنيا
خلاص مابقتش متقيد
ولا حاير
كتير صابر على بُعدك
ولا قادر اعيش بَعدك
ولما جيتي ولقيتك
قصاد عيني
بكل الحب واللهفه
لقيت قلبي بيندهلك
وحشتيني
ساعتها الدنيا ضحكتلي
وغنتلي
نسيت الهجر والأحزان
ولقيتني سعيد فرحان
ساعة ما اديكي لمستني
بكل حنان
لقيت الدنيا اخدتني .. وودتني
كأني بجناحات طاير
على الأغصان
بياخد م الربيع وردُه
وكل الدنيا مش قده
عشان حَبِّك
وداق حلاوتها من قلبك
يادمي جوا شراييني
يا فرحة عمري وسنيني
دا احساسي وقلتولك
ساعة يا حبيبتي
ماتجيني
ليست هناك تعليقات