حكاية خروف العيد ، بقلم / يسري الفار

الست مراتي

معاها حماتي

قالت ياحياتي

عايزين عالعـــيد

وقــالولي تروح

مطرح مطروح

وبكــل وضــوح

حتمـــــــاً وأكــيـــد

العيشة هــنيه

لازم أضحيه

ومعاها هدية

عــلي قـــد الإيــــد

رحـــت لجزار

طالع منشـار

نـازل منشـار

كان إســمه سعيد

جاب لي المطلوب

وخـروف حــبوب

حــــلو وطــيـوب

وقـــرونه حـــديـــــد

ماشي في الحاره

جارتي الثرثاره

بعيون مكــــاره

وشـــافـتني أكــــيد

وانــــا طــالــع بيـه

مســكتني ايـديـه

بصــــيت في عينيه

والـــــدمـــــع يزيـــــــد

وكـــــأنه يقــــول

دانــا إبن أصـــول

سيبني علي طول

وانــا أبقــي ســعـــيد