احترت فيك ، بقلم / سيد صبيح

احترت فيك وفى كلامك

تقول استنانى وتروح تغيب

ولما الومك واعتب عليك

تغضب منى يااغلا حبيب

وتعمل منها حكايه

انا نفسى تكون معايا

بخاف اعاتبك والوم عليك

لاتروح وتبعد عنى بعيد

وانا قلبى حبك بجد

وبعدك عنه عذاب اكيد

ليه ياحبيبى بتجرح فيا

واكلمك ماترد عليا

لو عشت عمرى وعمر معاه

حبك فى قلبى ولايوم انساه

دا الفرح عمره ياروحى ساعات

ليه نضيعها شوق واهات

اسمع ندا قلبى اللى

داب فى غرامك

ماتحيرنيش ياحبيبى معاك

وماتصبرنيش بس بكلامك

ح تعيش معايا عمرك سعيد

بس اوعدنى وعد اكيد

شاور تلقانى مابين ايديك

فاتح احضانى وملهوف عليك

بس اقول واوعد صحيح

واسمع منك كلام صريح

انا قولت بحبك وانت حبيبى

نفسى اسمع منك انك نصيبى

ح تلاقينى فاتح لك قلبى

تسكن فيه طول الحياه

بس انت يا حبيبى ريحنى

وارحمنى من قولة اه

اه ياحبيبى اه