عونى هشام ...آه يا بلدى

الاولة اه

الاوله اه على ظلم .. انا شفتة

وفقر شربتة .. انا عشتة

وقلب يئن يقول الاه

واه على بلدى مع ناسى

فكر ضاع من راسى

وحكومة كانت بالويلاه

وويلى لو قلت انا كلمة

الاقى الدنيا بقت ضلمة

ولا حد احكى .. انا وياه

احكى لمين

ومين يسمع

ولا شيبة بقت تنفع

وشكوتى بقت لله

انا مصرى انا مطحون

كل حياتى كد هموم

وتشكى لمين يا ولداه

التانية اه

على ثورة

خدوها ناس ومش دارية

ولا عارفه

شئ فى شرع الله

كل همومهم السلطة

وحكم دولة بالبركة

ده ياخد وده يدى

وفتوى عمولة على يدى

ومنسوبة لحكم الله

اقول الله على قدرة

وقدرة شعب مقتدرة

تبيد الظلم من بابه

وتقتل كل اسبابة

تشيل حاكم ملوش فى الحكم

وكل الناس تقول الله

التالتة اه

على شعب مع جيشة

وشرطة رجعت لادراجها

وكل الناس وجيرانها

كله بيهتف وبيهلل

ونتحمد ببحمد الله

الله عليكى يا بلادى

وكله ينادى يا اولادى

جانا النور بعد ظلام

سنه عشناه

الرابعة اه

واه منها

عشنا اكتوبر واحلامها

يناير بيد اولادها

غيرنا كتير ومين ينكر

ولسه طريقنا ما بدأناه

اخاف نفضل ونتأخر

يروح الحلم يتبخر

نروح فى مكان ماهوش لينا

وننسى طريق لنا رسمناه

الخامسة آه

تكون احلا

بهمة شعب متحدة

ايد تبنى وعين تحرس

كبير يفرح صغير يرقص

تعود لبلدنا افراحها

ننسى كل اوجاعها

نسجد شكر وايمان بالله

واقول الله على بلدى اقول الله