نقطة و من أول السطر ، بقلم / هيثم محمد

اجمد نكتة ..الفايبر متراقب وبتتجسس عليه إسرائيل .هأو هوا تفتكروا الفيس بوك والتويتر منتشرين ليه؟؟؟؟ ماهو أحمد زى الحاج أحمد يا سادة!!!يعنى تفتكروا الإنترنت آمن ؟؟ولا حتى الموبايلات العادية ..صباح الخير ..كفاية ان أمريكا كانت زارعة فى قاع المحيط الهادى بالقرب من المياة الإقليمية الصينية مجسات للتصنت على جميع مكالمات ومراسلات الصين السلكية واللاسلكية ..يعنى مش حا يغلبوا فينا !! طيب نسمع عن نظام حرب النجوم اللى سعادتكم أكيد عارفينه انه بيعمل رصد ومسح للكرة الأرضية من خلال شبكة أقمار صناعية تجسسية ..آه وبالمناسبة للعلم ..ممكن تبقوا تدوروا على نظام الـGEoeye اللى ممكن يرصد عشر أضعاف google earth ودول بس لمجرد الترفيه ..ما بالكم فى الأعمال الإستخباراتية والعسكرية ..يا جماعة صلوا ع النبى وقولوا يا رب بقى نتغير شوية ونبطل الهبل بتاع رابعة والتحرير ..يا رب نفوق ونغير من نفسنا ونؤدى شغلنا بضمير ..الرئيس يهتم ..والداخلية تواظب ..والحكومة تراقب موظفينها صح ..والمصانع تدور ..والجامعات والمدارس تعلم الأخلاق والعلم والدين ..ونبطل أوكا وأورتيجا والهبل المسمى سينما المقاولات وبرامج مسابقات الغناء الفاشلة عديمة المعنى وننشر البحوث والتجارب اللى ليها معنى ...يا ريت ننام صح ونشتغل صح ..ما نجريش ورا الهطل ...يا ريت نتفاجىء بإكتشافات كبيرة طالعة من عقول مصرية ..ويبقى بدل زويل واحد ونجيب محفوظ واحد يبقو صفات عامة ..هوا حرام نحقق المستحيل ونرجع مصر لزمانها زى ما كانت فى عهد الفراعنة وعهد محمد على باشا ..بمعنى نكون أسياد الأرض !!! هوا صعب ولا مستحيل؟؟؟؟؟؟؟؟؟؟؟؟؟؟؟؟؟ طيب ما تيجوا نبدأ صح من بيتنا وفى أسرتنا وبأنفسنا !!! طيب وننشر ده وسط غيرنا!!!! ... طيب ونعلم ده لجارنا ولصاحبنا ..نسمعه لأصحابنا وأحبابنا ..نطلع بيه فى الشوارع والمقاهى ..فى العمل ..فى المسجد فى الكنيسة ..فى المحلات والأسواق ..مش مجرد كلام ..أفعال ..ننظم نفسنا ..نمشى صح فى الشوارع ..نحترم المرور ..نكون منظمين ..مهتمين بأعمالنا ..نحب الجمال والتهذيب والأخلاق ..إختلافاتنا ممكن تدوب وسط تعاونا ..ما تيجوا نرجع لأيام أما كنا بنحب بعض ..فى زمن جدى وجدك ..نرفع شعار واحد ..غد أفضل لكل المصريين ..ودنيا أحلى ليا وليك ..تعالوا ..ليه لأ؟؟ هيا صعبة ؟؟؟صعب إننا نبقى آدميين وبنحافظ على آدميتنا ؟؟؟؟

لو صعب قول رأيك ..

ولوا سهل ... جرب ...مش حتخسر ..

بل بالعكس ..

صدقنى حضرتك اللى كسبان!!!!