اجمل شعراء ندوة كنوز تمر حنه يوم 26/102013 مجموعه من الذين قالو بالندوة
على عبد العليم
لقيت هذه القصيدة بمنتدى / كنوز تمر حنة بنادى الشمس الرياضى
السبت 26 / 10 / 2013م
فى حضور كوكبة من الشعراء والأدباء
******************************
غَــــزَلِيَــةٌ / شعــــرعلى عبـــد العليــم
*********************************
خَمرِيةُ الوَجَنَــــاتِ حَبِبَتِى بِلوُنِ القًمَرِ ضِياؤهمَـا
فِىِ صَمتِ الليلِ الحَالِكِ يَتَهَادىَ بَرِيِقٌ ذَاكَ الشُعَاعِ
قَمَرِيةٌ بِوَجهِهَا الصَّبُوحِ يتلألأُ كأنجمٍ بالسَّمَاءِ
وهمسُ حنِيِنِها الرَّقرَاقِ بِمُقلَتَيِهَا أَمنيةَ المسَاعِ
هيلٌ فِضفاضٌ بِشِفَاةٍ تتقَاطَــرُ كَأَجمَلِ عطائِرِهَا
يهوىِ بالقلبِ فَلا يدرىِ مِسكيِنٌ عُمقُ القَاعِ
وبريقُ المُقَلِ سيــدتىِ أَحيانىِ قــدرًا من حلــمٍ
فسقَـــانىِ تِـريَـاقًــا فىِ سَاحَــةِ أَشوَاقِ السَّاعِ
وَرشَاقَةُ جِسِمٍ وَأَحــلامٍ فىِ بهوِ القَصَـرِ بقَوَامٍ
مَمشُوقِ البِنيَةِ فىِ وَصَفِ الشَّاعِرِ حُسنَ الإِبدَاعِ
سُبحَانَ الخَاَلِقِ أَبدَعَ حُسنًا فِىِ أِوجِ صِناعَتِهِ
والأَجمَــلُ أَنَّكِ سيّدَتِىِ وَصفًـا قَد فَاقَ الصُّنَّاع
وَهُدُوُءُ المَشيَةِ فِىِ خُطُوكِ كَالخَيِلِ الجَامِحِ
يَتَبَختَرُ مُبتَهِجًا فِى رَوَاحِ الخُطوَةِ بالأَسمَاَعِ
وَيَدَاَكِ بِنعُوُمَةِ مَلمَسِهَا كَسِهَــامِ تُرشِقُنِــىِ
بِسَلامِ يَجتَاحُ القَلبَ فَيُسكِتُهُ حُسنَ الإِمتَاعِ
قَطَرَاتُ الشَّهَدِ تَتَقَاطَرُ عَنَاقِيِدًا فَوَّاحًا بِشَذَاهُ
نَطَقَت بالهَمسِ تَغَاَرِيِدًا كَرَنِيِنٍ هَزَّ الأَسمَاَعِ
وّدُنُوُكِ مِنِّىِ هَاَمِسَةً عَبَقٌ يَتَنَاَثَرُ فِى سَاحِىِ
وَكَأَنَّ العِطَرَ سَيَدَتِىِ تِريَاقٌ دَاوَىَ الأَوجَاَعِ
إِنِّىِ أَتَغَزَّلُ سَيدتِىِ فِىِ ثَوبِ العِفَّةِ مَلبَسَكِ
بِشِعرٍ غزَلِىٍ رَاَقٍ وكـلاَمٍ حُلــوِ الإِقنَــاعِ
أَتَغَزَّلُ فيكِ بإِقصوصةٍ.أَوأَنشدُ فيكِ أغنيةً
أَتَكَتَمُ فِيِكِ الحُبَّ وأَرحَلُ وَفِىِ نَفسِى الأطمَاعِ
وَأُعِيِدُ عَلَيِكِ تَرَاتِيِلِىِ كَى أَرَقَى بِحُبٍّ يملأنىِ
وأَسَعَدُ مِنِكِ بِحنِينٍ يَتَوَارَثَـهُ جِيِلُ الإِبــدَاعِ
خَمرِيةُ الوَجَنَــــاتِ حَبِبَتِى وبِلوُنِ القًمَرِ ضِياؤَهمَـا
فِىِ صَمتِ الليلِ الحَالِكِ يَتَهَادىَ بَرِيِقٌ ذَاكَ الشُعَاعِ
********************************************************مصطفى زيكو
قصيدتى( مسافه ) القيت اليوم بلقائى بصالونكم الموقر
-----------------------------------------------------------مسافه
اترك مسافه بين هوامش روحك
يمكن حتحتاجها
اسال حروفك عنها بعدين
وابقى قابلنى فى ضل حرف نسيته
هوه اللى واقف بيستنى تحن اليه
اكتب سبب احزانك الفضى
واقراها ع النسمه اللى بتحاول تقابلك
افرك صوابعك فى الرياح متخافش
الريح مخادشى م البلاط حاجه
الدنيا مش هيا اللى واقفالك عوج
دانتا اللى عاوج وقفتك ومقاوح
شكل القصيده جى فى مضمونها
مضمونها عارف شكلها المجنون
اوعاك تخون الورد لو حبك
اوعاك تغير شكلها المضمون
حبه ظنون راح تعملك من تانى
حبه ظنون بيغيروا الانسان
خليك فاكرها مرايتك العارجه
تغنيك حقيقى عن سؤال الكون
الاوله العشق وقت وظرف
التانيه الموت مهووش الانتها من خوفك
التالته وشك ميلزمشى سوى لوشك
الرابعه كل السكك عطلانه بس قضانا
الخامسه الحكمه نزلت تشترى ف سجاره
السادسه لسه المطر عمال بيتسوى على سطح السما
السابعه خلينا نتعاتب لحد الصبح بس غطينى من السقعه
التامنه مكانتش احزانك اوهيا احزانك لازم تغير وقفتك فى الريح
التاسعه رملك معادشى يلزم الموان
العاشره وِرد الحياه ليلاتى يتغير
لاكن وِرد الحق زى ماهو
طب ليه بتتاخد وترمح رمح
الفرح مش مكتوب على جبين اللى خاف
خليك حدا روحك وزق السور
الضلمه مش ناويه تساعد حد
الدور عليك فى طلعه التنهيد
زى الشهيد اللى سقط ولا حس
ياريت تغير طلعتك للشوق
يمكن تلاقى الورد مستنييك
يمكن تلاقى الورد اولابك
فخلى بابك فى
مهب الريح
14-9-2013
*************************
مصر متزوقة
مصر بنت متزوقة
بالفل والطرحة
أنغام بتعزف ف الميدان
مواويل سنين بارحة
بكرة هينطق المكان
ويملا أم الشهيد فرحة
حلمنا كان غالى
ادامة سور عالى
بالعزم هدينا
بعرقنا وادينا
حلفنا لأنجيها
نطهر أراضيها
من ظلم عاش فيها
وقلوب حجر جارحة
شوارعها حواريها
أشجارها مبانيها
مواويلها اغانيها
نجوم ف السما سارحة
هـ نغنى ونزفها
ونعدى ونلفها
عروسة بنحبها
لفة التاريخ طرحة
أم الشهيد امنا
ودمة من دمنا
نهديها من قلبنا
نصرة وغنى وفرحة
من ديوان الألاعيب
الشاعر / خالد عبد الخالق
*******************
لشاعر / عز الدين خلاف
*****************
انانيٌّ انا في الحب اهوى
جميلاتٍ تحدَين الجمالا
وكانت هذه الشقراءُ جازت
مفاتنهن سحراً واكتمالا
فعيناها كفاها البحرُ سحراً
وحسبُ البحرِ من كانت مثالا
وجفناها اصابهما انكسارٌ
فأرخى فيهما الهُدْبَ الطوالا
لها في كل منطقةٍ غرامٌ
وقدٌّ فاق في الحُسْنِ الغزالا .
****************************
( نار بلا...... دخان )
أما اّن الأوان يا أغلى البشر
أ ما اّن الأوان بقربك يحلو السهر
متعطشة لك... لنيلك والقمر
ما أطول ليلى... وسكونه
ما أروع قمرى.... ونجومه
سألون ليلى بالألوان
وسأنسج خيط الأحلام
وسأشعل نارا للحب بغير دخان
وأبحر فى عينيك وأسكر
واكتب فى العشق أرق الكلمات
هذى أحرفى علك تقرؤها
فبدونك لا وجود ولا جدوى لكلمات
مع ارق تحياتى
بقلمى / زينب أحمد
****************************
لشاعر والكاتب طارق فوزي
أوبريت ولادنا اتفرقوا
بقلم الشاعر / طارق فوزي
فيكم من يكتم السر أحبابي المستمعين
استعيذوا بالله الأول م الشيطان الرجيم
حوار حصل بيني وبين حرمي المصون
وكان الجو حر وكنا في رمضان صايمين
ودار حوار طويل ما بينا احنا الاتنين
اسمعوا واعووا وفتحوا ودانكم الاتنين
******
مساء الخير في ايه مالك يا أم حسين
في ايه بس مال دموعك كده مالية العين
في أيه اتكلمي فاضل ع المغرب يا دوب ساعتين
وفين ولادي حبايبي مش شايفهم ليه قاعدين
فين حسين وجلال ومها وأمير وياسين
وحشوني كأني ما شفتهومشي من سنين
*******
ولادك خلاص اتفرقوا وكل واحد له طريق
بقوا زي الفراش اللي رايح على نور الحريق
وبيفحتوا بحر غويط اللي يقع فيه يموت غريق
وكل واحد شايف نفسه هو بس البريء
كل واحد بيقول ان فريقه أحسن فريق
هو اللي يقدر يرجع مصر لمجد إسلامها العريق
وانه يقدر يحول الصفيح دهب وله بريق
********
قلقتيني اتكلمي ولادنا جرالهم أيه يا وداد
اتكلمي قوليلي حصل ايه قلقتيني ع الولاد
أنا سايبهم الصبح بكل خير صايمين شداد
إزاى أتفرقوا وأنا معلمهم إن القوة في الاتحاد
عودتهم على حب الخير مش ع الغل والأحقاد
وعلى حب الناس ومفيش فرق بين أحمد وميلاد
ولادي بخير اطمني ما تقلقيش عليهم يا وداد
ولادي ميتفرقوش حتى لو كانوا في عشر بلاد
***
يا محمد اصبر وافهمني وسبني أكمل حديثي
اتفرقوا بالفكر وعمى الفكر أصعب م العمى الحيثي
حسين بيقول أنا أخواني وإن مرسي هو رئيسي
وجلال مهووس بالثورة وشايل معاه صورة للسيسي
ومها بتقول ياريت السيسي يكون دا عريسي
وأمير قال انا مالي ومال ثورة وأخوان يا عزيزي
وكل شوية واجع دماغنا فين برفاني فين قميصي
وياسين دايماً قاعد ع الكنبة ويقولها انت ونيسي
ويقول خايف على مصر من أحلامي ومن كوابيسي
****
امبارح أخويا علي قالي كل بيت في مصر انقسم
الغربان عششت فيها والحزن ع الوشوش اترسم
والإيمان ضاع م القلوب والشيطان م الفرحة ابتسم
عنوان الأمان ضاع منا والخوف على قلوبنا جثم
وكل واحد عاجبه عقله والغباء في العقول اتوسم
اللي يقول شرعية وشريعة وراح على رابعة اعتصم
واللي يقول دي ثورة شعب والأمر خلاص اتحسم
يا خوفي من طفل الفوضى اللي كبر خلاص وانفطم
****
ولادنا خلاص اتفرقوا وازاى نقدر تاني نلمهم
تعابين وأفاعي اتلمت عليهم ولازم نكسر سمهم
قول لحسين يرجع من رابعة ويسيب للناس حيهم
اتصل بأمير يرجع م التحرير يلا يا محمد لمهم
لازم يفهموا أن مصر الأول قبل أبوهم وأمهم
وميكونوش لغيرهم سلاح يستنزف منهم دمهم
وميخلوش الشيطان متحدث رسمي عنهم
عاوزين مصر نجمة عالية في سما دنيا حبهم
وكفاية فرقة وانقسام ويشوفوا بقا شغلهم
ويعتصموا بحبل الله مايتفرقوا ومصر لهم كلهم
*******************************************
Nagy Naeem
الأمس
إيه المانع من مره تردي ..؟!!
------------------------------
مش لازم
تبقى أكتر من رنه
وإن كان مش لازمك .. ماترُديش
ومادمتي سيادتك مابترغيش
إيه المانع
من مره تردي ..؟!!
دايما بحتاجلك وتصُدي
أنا دايما ببني وبتهدي
ولوحدي بمد ..
ما بتمدي
والسكه طويله وقلبي الحيله تعب
مش قادر ما يسبكيش!
أيوه انا قررت هسيبك واقتل قلبي واحاول أعيش
وأظنك طبعا سامعاني
وإن قولتيلي دَوَشت وداني
دي المره ال2000 تنساني
مش هضحك ..
وهصمم برضو
يعترضوا عنيكي ما يعترضوا
وفـ طول النسيان وفـ عرضوا
هتدارى وأتبّت واتحامى
وبقولك وبكل رخامه ..
مـش لازم أحبـك على فــكره /
ولا لازم أخبيكي في بكره وتدوّري فيا على إمبارح
وإن مفهمنيش قلبك عنـُّه
طيب والمصحف مانا شارح !!!
عاجبك أوي كده وانا متعصب ؟
أستغفر من حطك فيا
ومحلي قوامك في عنيا
ومقدر من أول نور
أن يعشق آدم جنيه
معلش
أوعي تكوني زعلتي
روح يخربيتك تليفون !
وعشان نتجنِّب في الخناقات الجايه ما بينا أي جنون
ونقولها قصيده وهتعدي
إيه المانع من مره تردي ..؟!!
--
ناجي نعيم —
**************************************
قصيدة الندوه السبت 26 \10\2013 بندوة كنوز تمر حنة بنادي الشمس
-------------------
الحلوه
الحلوه طار شالها رفرف على جبينها
احمر بلون الو رد راسم محاسنها
ابيض كما قلبها والفرحه ف عيونها
اسود بلون الكحل مفروش على جفونها
والنسر تاج راسها و المولى حارسها
وعريسها ع الجبهه حارس على حدودها
فاتح عيونوا ولونوا ارضها وعودها
قلبه اخضر مالخضار اللى فرش غيطها
شامخ على مركبه مقدفها كان مدفع
واقف ف وش العدا اصل الولد مجدع
من نيلها جاب ميته وف ارضها يزرع
مكوى بنار شمسها وف قلبها يوجع
وان غاب ف يوم عَنها يشتاق لها ويرجع
الحلوه توبها بطهر شببها متحنى
واما تنادى حبيبها تسمعها بتغنى
تلاقى قلبك بيرقص ويقولها اتهنى
عايش عشانك و منك وانتى منى
افدى بروحى ترابك واثبت كمان انى
محفوره صورتك ف قلبى مرسومه ف النينى
واموت انا واندفن وعمرك ماتتزلى
ويفضل جبينك فوق والكعب متحنى
-------------------------------
سميره الاسريجى
************************************
وف محراب الأوليا
...............................................
بين البشروالحجر...........دم ماشى ف الوريد
الف فجر ...والف عيد
شريان حياه مليان بروح
وقت الألم يشفى الجروح
وقت الفرح مخلوق فيه روح..............
وقت السنين مابتظلمه
يشكى لمين
بيبات حزين
بينام ودمعه ع الخدود
مالهوش حدود
لما يزور الأوليا
لما بيحضن ف الحسين
لما يبات ف السيده
والروح هناك ...جنب المقام
الجسم نام ..والروح بتسرح فى المكان
وغلام صغيربيطعمه لجل الرضا
لجل الوصال
لجل ينول حب النبى
لجل يحس انه طاير ف السما
جنب الخليل
ويبات صحيح يصبح عليل
لما يخون سرالمقام
لما يقول عن ال شافه ف المنام
وليه يقول؟
الحاجه دى مش اختصاص طبع البشر
الحاجه دى هى ال فارقه ف الطباع
بين الحجر وبين البشر
الخضرعلم الكليم
والخضر عمره ماكان نبى ولا رسول
الخضر محبوب ف المقام
سر الوصال ماطلعوش
والرب ليه عنه يحوش
جوه المقام .....الجسم علق فى السما
الروح بتحبى فى رحاب الأوليا
مين الولى؟
لو أعرفه أجرى وأبوس أوام اديه
وف خدمته .....عمرى كله ملك ليه
بس يكون صاحبى ف يوم
الكل هربان من الصحاب
والاب تايه عن مراته والولاد
الا الولى...عمال يدور عل زار
عل شعلل جسمه نار
عل فرق ع الغلابه ميت رغيف
عل كنس الحصيره
على سكر ف المقام
من غير مايشرب الخمور
عل وقف ف الطابور
عمال بيمدح ف الرسول
والجسم ثابت ف المكان
والروح تدور
عماله تلعب فى رحاب المصطفى
عاشقه الرسول
مداح بيمدح ف النبى
عمال يقول
جتلك ياطه استعطفك ...ترفع غطاءالعمى عن العيون
تلمس بايدك جتتى وأمدح واقول
سيدنا النبى سيدنا النبى
ونفسى ازورك يارسول
والناس تقول ........جاهل بيذكر ف الحسين
ماله الحسين؟
لاخوف عليهم كلهم ..الرب قال
وكلامه يمشى ع الجميع.. من غير جدال
وانا ف رحاب حضن الحسين
الجسم زار السيده
والعين هناك عند النفيسه وياها كل الأفئده
لو تهمتى انى غبى
هفضل غبى
مادام بحبك يا نبى
فرحان بجد
ان ف هواك يامحمدى
أكبر غبى
الخضرعلم الكليم
والخضر عمره ماكان رسول
ولا كان نبى.
............................................
شاعر الاحساس
عبدالتواب الرفاعي
::::::::::::::::::::::ஜ ۩۞۩ ஜ}::::::::::::::::::::::::::::::::
::::::::::::::::::::::::::{ ஜ صُعِبَ جِدًّا ۞۩ ஜ}:::::::::::::::::
:::::::::::::::::::::{ ஜ ۩۞۩ ஜ}:::::::::::::::::::::::::::::::
صُعِبَ جِدًّا اِنْكِ
تَعِيشُ جَوَّهُ رَوْحِكَ
تُنَادَى نَفْسُكَ
تَكَلَّمَهَا ماترد عَلَيكَ
وَتَغْزِلُ بايدك ثَوْبُ الْوَحْدَةِ بَيْنَ ضُلُوعِكَ
لِمُجَرَّدِ حُروفِكَ
تَنْزُفُهَا اِيدِيكَ
لِتَكُونُ جراحُكَ شئ اكيد
صدقنى شئ صُعِبَ جِدًّا
لَمَّا تُحْبَكَ سَكِينَةَ اللِّسَانِ
لِتُرْمَى عَلَيكَ شَبَّاكَ نَارُ الْحِقْدِ وَالْغَيْرَةِ بِكُلُّ مَكَانِ
وَتُفَرِّقُ مَا بَيْنَ رَوْحِكَ وَقَلْبِكَ
بِتَمْزيقِ اُجْمُلْ مَا فِيكَ
مِنْ طِيبَةِ وَحُسْنِ نِيهِ وَشَوْقَ لباقى الضُّلُوعَ
لِمُجَرَّدِ اِنْكِ بتكتب كَلاَمَ بِتَحاوَلِ بيه الرُّجُوعَ
لِحَيَّاهُ مافيها شئ غَيْرَ الْحِقْدَ وَبَعْضُ الانين
تُلَمْلِمُ فِيكَ اهات سَاكِنَهَا اُنْتُ طُولَ السِّنَّيْنِ
صُعِبَ جِدًّا لَمَّا تُتَلَهَّفْ عَلَيكَ حُروفُ الْكَلاَمِ
لِتَكْتُبُ عَنْهَا وُلِيَهَا اِشْتِياقَ كَانَ بِالْمَنَامِ
وَتَكُونُ معاها اخ وَصَدِيقَ
وَهَى لِيكَ اُجْمُلْ رَفيقَ
وَوَسَطُ مَوْجُ الْبُحُورِ يَحُضُّنَّكَ
قَاعُ مَوْجُ الْغَرِيقِ
لِتَكُونُ شَهِيدُ الْبَساطَةِ
وَطَيِّبَةُ مُعَنّى الطَّرِيقِ
صُعِبَ جِدًّا اِنْكِ تُلَاقَى بَيْنَ الْخَضَّارِ
اللى سَاكِنُ قُلُوبُ النَّاسِ يُقْلَبُ دَمارُ
اكيد صُعِبَ جِدًّا احساس رَهيبَ
وَحْدَةُ رَغْمُ الشُّعُورِ بالامان دَّْهُ شئ مَهِيبَ
يارب الْكَوْنَ لِيَهِ السُّكُونُ رَغْمُ الْحَنِينِ لِلْعُيُونِ
قالُو عَنَى انى عَاشِقَ لِتُرَابِ الْجُفُونِ
رَغْمُ انى كُنْتِ خايف مِنْ السُّكُونِ
لارض وطنى كَتَبْتِ حرفى قَبْلَ مَا يُدْخَلُهُ الْحَزِينَ
وَبَعْدَهَا صَارَ التُّرَابُ صَارَ الْغُبَارُ بَيْنَ العنين
اِرْتِفَاعُ جِبَالُ دَّْهُ شئ مِحَالُ كُلُّ شئ اِصْبَحْ خَيَالَ
صُعِبَ جِدًّا يازمن ان الْخَرَابَ بِالْعُيُونِ يَكُونَ جَمَالُ
صَعْبُ جداااااااااااااااااااااا
:::::::::::::::::::::{ ஜ ۩۞۩ ஜ }::::::::::::::::::::::::::::
...............بِقَلَمِ / مُحَمَّدُ لَبِيبُ مصيلحى..................
:::::::::::::::::::::{ஜ۩۞۩ஜ}:::::::::::::::::::::::::::::::
فسى أحس
&&&&&&&&&&&&&&
يالى وحشنى طال غيايبك انت فين
ده اليوم فى بعدك بيمر بسنين
أنا قلبى شافك ساب ضلوعى
وعاش معاك مسجون حزين
رجع لى قلبى و روح بعيد
شوقى ليك طفل وليــد
كل يوم عمال بيكبـــــر
كل لحظة بحبك اكثر
و تاخدنى التوها
جــــوه طيــــــات السنين
قربت احس انك محـــــــال
راكب سفينة من الامــــــال
بتمر بيها كل لحظة فى الخيال
نفسى اشوفك المحــــــك
لــو مــــرة واحــــــدة
احس فيها انك معايا
نفسى احس...
انى عايشة جوه منك
انى نبضى هو دمك
انى بتنفس هواك
نفسى احس...
انى بطوف جوه عيونك
انى بدوب فى سحر لونك
ده انا بموت لحظة شجونك
ده انا فى منامى ب لمحك
و فى كل كلمه انا بمدحك
نفسى احس.....
انى ملكتك فى الحقيقة مش خيال
انى بعيشلك و نبنى بيت نملاه عيال
نفسى احس.....
انى بكون قهوة صباحك
وانت طير وانا جناحك
و ابقى عارفة ان مهما بعدت عنى
مش هتبعد وانت اصلا حتة منى
وانت اصــــــــلا جــــوه منى
شعر/ياسمين عبدالعزيز
**********************************************
مال الصياد
أنا بلطية
..................
أنا بلطية ومالمنشية
كم سنارة اتحدفت علية
قولت حاسبوا دة انا بلطية
صبح كل يوم مايمسى إلا بية
قلبى عفريت القمقم
صرخته صرخة سليمانية
إذا حضر فى لحظة
يزلزل كل البشرية
مانا بلطيةو مالمنشية
أحطم الأغلال والقيود
وانفذ الأمانى والوعود
إذا هويت يهوانى كل الخلود
قالوا علية شعاب أخدود
وكنت بينهم كلى خلود
أوصل نجم التواصل
لكل قلب مولود
مانا بلطية مالمنشية
أعزف بحرفى أنغام حالمة
تتوه معاها اعماق الجمجمة
مسحورة بهارون الرشيدى
والعجوز الساحرة
سحرتنى بخواطرها وفارسها عنترة
وحولتنى تحت المية
من بلطية لبنت شقية
وكنت زمانى تحب المية
أفط ... أنط .... كل شوية
مانا بلطية وبنت شقية
أبداً... أبداً ...دة انا جنية مش بلطية
بقلم أمال الصياد
ليست هناك تعليقات