اصرخ يا قلم ، بقلم / محمد صبحى عمران

اصرخ ياقلم

اصرخ يا ألم

اصرخ واكتب أهاتك

وارسم حروفك

فوق السطور

ووصف جروحك

قول للحبيب

هو الحب هان ولا انطفت كل الشموع

ولا الحنان انتهى والعيون سالت دموع

يعنى خلاص نقول وداع من غير رجوع

اصرخ يا قلم وسجل أهات وجع الضلوع

اصرخ وبعلو صوتك م الدموع راحت بحور

أحلف م أقول كلمة حبيب أو تنكتب يوم ع السطور

أو تفتكر فى يوم أقول يرحم حيتنا فى القصور

أو تبقى فاكر فى يوم أقول حبى الكبير

دا مستحيل بعد الصراخ بعد الالم فى يوم أكون

أو أندهك فى يوم حبيب بعد الفراق بعد الالم

وطلعت أنت كداب كبير

تخدع قلوب العاشقين

وطلعت هاوى كتر الحكاوى

كتر الغناوى عايش بروح الكدابين

ولا كنت تعرف للحب لذة ولا حتى تعرف تصون حبيب

اصرخ يا قلم واكتب ألم باكى وحزين