أدى البيضة ، بقلم / إمل السيد

ادى البيضة وادى اللى اكلها

فى الضلمة مولودة عيالها

ولا عارفة يمنها ولا شمالها

ولاشايفة راكبها ولاحصانها

ولاسامعة همومها واحزانها

''''''''''''''''''''''''''''''''''''''''''''''''''''''''''''''''''''''

ادى البيضة كمان مكسورة

وادى ناسها كلها محسورة

كان ممكن تبقى السنيورة

وب ناسها تفضل منصورة

لبسها الإسود مقهورة

واسودت فى عنيها الصورة

''''''''''''''''''''''''''''''''''''''''''''''''''''''''''''''''''''''

ادى البيضة وادى اللى كسرها

فى العتمة اخدها وصورها

طلعت صورة من اوهام

فزعت ناسها من الاحلام

إصحى انت خلينى أنام

من غير غطا اقعد بردان

دا سريرك سرقه الإخوان

''''''''''''''''''''''''''''''''''''''''''''''''''''''''''''''''''''''

ادى البيضة وادىاللى حضنها

بدراعه الجامد ما رحمها

الحقها قبل ما يكسرها

اوعاك تركع للى حسرها

راح حلمك وخلاص عورها

خليه يرجع يلا مكانه

ويسيبنا وكفايه أمانه

''''''''''''''''''''''''''''''''''''''''''''''''''''''''''''''''''''''

ادى البيضة وادى الكتكوت

كان حلمه يدخلها تابوت

نادى بصوته وقالك توت

عدى بسرعة يالله وفوت

قبل ما يصحى ولا يفوق

اصنع فوضى و اصنع طوق

كتف يالله ايديهم سوق

شبعهم من عيش محروق

عيشهم فى ضياع لحقوق

'''''''''''''''''''''''''''''''''''''''''''''''''''''''''''''''''''''

ادى البيضة وادى الفستان

دا قطفها وردة فى بستان

قال واله ما اخليها تتهان

راح اقلعها توب الاحزان

واعمل منها عروسة بطرحة

راح اخلي ايامكم فرحة

وهحقق احلام مدهوسة

كفنها ما شفناها عروسة

وف تربة خلاها محبوسة

وقعد ياكل فى البسبوسة

''''''''''''''''''''''''''''''''''''''''''''''''''''''''''''''''''''''

ادى البيضة وادى عددها

تسعين مليون من احفادها

لو عملو الجمعية ولادها

تسعين مليون إيد تسعدها

يالله بقى قوموا اشتغلو

قبل ما يجى اليوم تتبلعوا

إعملوا حاجة بقى لبلادكم

أو ترضوا بيها اللى خلقكم

مدو إيديكم وارفعو صوتكم

اوعو تسيبو الضلمة تزيد

خليك أوى وياه وعنيد

راح يرجعلك حق اكيد

بإديك تزرع نور بيزيد

بإديك تكتب حق حفيد

قوم واتحرك مد الإيد

ادعى لربك واحمى وليد