. بقلم / رمضان العلالقة ..داخلي صراع :

زي ما يكون مكتوب لي أستنى ....... أفضل كده على طــــول محتار

لا عــارف أيه طـــــعم الدنــــيا ....... أتقلــــب أنا على جـــمر و نار

و أديــني تهــت في أمـر الدنــيا........ مش عارف أفكــر ليه و أختار

كــل النــــاس بتــــداري علــــيا........ كــــل الـــناس عـــندها أسرار

أنا بــــس تفضــــحني عنـــــــيا........ كــله عارفــني كبــار و صغار

كنت خـلاص وصـــلت لفــكرة ........تاجي تعــمل لي حـــريقة و نار

قال تخـــــتارني و لا القلـــب ؟ ........قلت خــــلاص بطـــــلت أختار

هــــو يهـــــيم و أنت تجنــــني......... أفتــــكم أنا و أشــــوف لي غار

كا ما ياجـــي يــــــوم و أفـــكر......... تاجوا تعـــــملوا لي زفة و زار

كل الفـــــكر أتلخــــبط مــــني...........و كــل شــــيء قــــدامي مندار

لا عارف أفــهم منــكم حــاجة.......... و لا عــــارف أفـــهم مين جبار

قال القلـب الحــلم عيــلي مــنه.......... ما تشوفـــوش غـــير بالمنظار

و أنا العـــــقل و أفـــــهم مــني.......... مش هي خناقة و شــغل صغار

أنا هـــنا و أديــــــني مستــــني........... شوف القلب أهـــو راح مشوار

تميل وشــك وتــــداري عنـــيك........... تعمل أعــمى و تقـــول دا غيار؟

قلت خلاص أهو حـــــال الدنـيا........... لا عــايز حريقة ولا زفة و زار

كل اللي ياجي منـــكو يشغلني........... يعمل مشاكل و يخلــيني في نار

عاملين مشاكل ليه مش عارف........ لا شفت الراحة و لا فيه استقرار

تعبت مش شـــايف حــاجة بعنيا.......... هلبس في مصيبة او حتي جدار

كــــل اللي ياخــــد لازم يــــدي......... و حــــبه كـــــمان ما يكن هزار

و كــــل وقت بيكــون لـــه اذان.......... و كــــل لــــيل بيـــــبقى له نهار

عـــــقدتوا في وشي كل الدنــــيا......... و فـيه رب كــريم اســمه الستار

هو رحيم عليــــــــــنا في الدنيا.......... و الاخـــرة كمان بيـــكون غفار