"""""انتى حرة"""""" بقلم / محمود وحيد
إوعى تفتكــرى انى هابعد
لو حاولتى تبعدينــى
مش لانك ناكرة حبــــــــى
قلبى هيغرب حنينى
الهوى عندى حيــــاه
مش قساوة قلب تاه
مش مشاعر رايحة جاية
بيها ممكن تشترينى
"""""انتى حرة""""""
انتى حرة ويا قلبـــــــــــك
ويا فهمك للغــــــــرام
قلبى أصلة لما حبـــــــك
إنتهى كل الكــــــلام
خد قراره جوه منــــــه
مش بإيده غصب عنه
اتحفر ف القلب شوقك
هوً حبك والســـــــلام
"""""انتى حرة""""""
تشتاقيلى ما تشتاقيش
مش هتفرق صدقينى
بيكى من غيرك هاعيش
ع الاقل بتوحشينى
باحضنك صورة ف خيالى
واما اتوه أكتم ســــــؤالى
وان لقيتك طال فراقك
انده الصورة تجينى
"""""انتى حرة""""""
واوعدك ابدا ما اعاتـــــــــبك
او ألوم هجــــــــــــرك ودادى
مهما غبت مش هاحاسبك
مش هاحاسب قلب فاضى
اللى يعشق راح يسامح
مهما كان القلب جـــــارح
واللى ذيى ويا قلبه
تحت أمرة لو ينـــــــــــــادى
14/9/2013
ليست هناك تعليقات