قولولها ياناس ، بقلم / هشام عوض

مفيش راحه مدام حبيت ودبت ياناس

منا سلمت قلبي خلاص لها كــــــله

وهي تموت على الغيره بكل حماس

ووريتني سواد الويـــــــل ونار زلـه

----

ومهما أقول مفيش فايــده

بعيش وياها في مناهــــده

وليل ونهار على الحــــال ده

طهقت خلاص وناس شاهده

-----

ساعات تشكي ساعات قاعده

ساعات تلاعبني على الواحـده

ساعات تيجي تعاتبنـــــــــــــي

ولما تحس ضايقتني تروح باعـده

----

وبسمه بخبث جواها تقول أحســـن

عشان خليتني ليل ونهار بغيظ واحزن

تروح ليهم بنات الفيس تقول شــــعرك

وانا قاعده هنا لوحدى فـ غيط بعجــــــن

----

وراسي تدوخ وانا عاوز أطق خـــــــــلاص

وهي تقول مفيش مني ياروحـي خـلاص

أنا حبك وغير حبي مفيش إخــــــــــلاص

ودول فالصو وانا حره كمثل الـــــــــماس

---

قولوي إزاي أفهمها مفيش غيرهـــــــــــا

وليها الحب في شعري يكون إحســـاس

وقلبي كمان بيعشقها ومين غيــــــــرها

وناس الفيس دي أصحابي وأحسن ناس

ومش ممكن في يوم أقدر أشوف غـيرها

وليها الحب في قلبي وملو الـــــــراس

عشان قلبي بيعشقها مفيش غيرها

ومن غيرها يكون الحب مر فـ كاس

قولوها ياناس