خايفة منك بقلم/ أمل السيد

خايفة حبك يطوى ليلى

يجرحه ما يكون دليلى

خايفة دمك يبقى نيلى

يجرى ايوة بين عروقي

بس تنسى يوم شروقى

ويبكى قلبى من حروقى

خايفة اصدق وانسى خوفى 

ترجعلى باكية حروفى

او تعود تانى كفوفى

خالية من كل الامانى

ويطول مشورى من تانى

ويرجع ليا الحزن اغانى

من لحن للحن بكانى

وانت كتير ناكر وانانى

وقت ما اجيلك تنسى مكانى

لما اكونلك تبقى الجانى

وقت سعادتى كتير تنسانى

وقت ماسيبك تبقى زمانى

تيجى تترجى منى حنانى

ولو ارجعلك تبقى شيطانى

ويضيع عمرى معاك فى ثوانى

خليك كده ديما تهوانى

ويسعد بكلامك وجدانى

وتغنى بلحنك اوتارى

واطفى بمية نارك نارى

خليك كده تايه حيران

ابكى واشكى وقول عطشان

اسهر فكر دوب واحتار

كل هوايا معاك افكار 

لا بتشفى عليل ولا تختار

تدخل جنة ولا النار