أسفه على أيه ، بقلم / المدثر بن يحيي

على أجمل سنين العمر ألى ضيعتيها

على أحلى ليالى العمر ألى بكتينى فيها

لوكان قلبك عمره ما حب كنتي قولى

كنتى ودعتينى برقه وبينتيلى عيوبى

...

كان زمان قلبى الطيب لغيرك مال

كان زمان قلبى ألى عمره ما شال

سامحك وحاول يعيش على ده الحال

مش تطلبى السماح دلوقتى

بعد ما كدبتى كل كلام الحب إلى أتقال

لا مش مسامحك

...

ضيعت العمر معاكى هوا

وأنا فاكر أن هواكى لى أنا

أنا ماتخدعتش فيكى وخلاص

أنتى الى أحسن ممثله

وجيا دلوقتى وطالبه السماح

جايه تكملى المهزله

أقولك أنا السماح ده يبقى أيه

السماح مش طلب عادى منى بتطلبيه

السماح معناه أنى ماتجرحتش

السماح ده يبقى ظلم لو أوافقك عليه

أنا كان ممكن أسامحك

لو كان جرحك فيا أنا

قلبى الى مات فى حبك

خلاص مبقاش قلبى أنا

بقى قلب معرفهوش

وجراحه طايره فى السما

أنا سمعت دقاته فى قلب كل مجروح

وأنا مقدرش أقول ده قلبى ماقدرش أبوح

أنا كان ممكن أحاول أنسى لكن أسامح

لا ياروح الروح ... لا ياروح الروح