رفضاك أنا بقلم / أمل السيد نصر
رفضاك أنا
ورفضة العلى في سماك
لا انا عارفة ليه الضنا
ولا عارفة ايه جواك
وخلاص أنا
مش عايزة اعيش وياك
عشت لك الهنا
ولا شفت مجد لقاك
كل الغرام انتهى
والعشق بقى ذكراك
فاكر غرامنا هنا
وأنا قاعدة بستناك
كان الحنان والمنى
فرشى وغطاي معاك
كان الهيام عشنا
وكنت لي احلى ملاك
رفضاك أنا
ورفضة العلى في سماك
كانت نجوم السما
عيون سهرانة تتمناك
تنزل وتسهر لنا
ويكون غناها غناك
لكن خلاص اللقا
بقى مستحيل في جفاك
وأنت ابتديت وابتدى
مشواري عشان انساك
راح النسيم واتنسى
كل اللى كان في رضاك
ضاع الجمال واكتسى
قلبه بنار وهلاك
رفضاك أنا
ورفضة العلى في سماك
القلب تاه في الفضا
وسكن السكات ليلاك
ماعاد يفيد الندى
روحى خلاص بيعاك
والجرح والله اعتدى
علي روح كانت عشقاك
واليوم خلاص اهتدى
قلبي ومحى ذكراك
رفضاك أنا
ورفضة العلى في سماك
ليست هناك تعليقات