فك اللجام بإديك
ما بقتش انفع ليك
عمري اللى راح كان ليك
عمري اللى جاي مش ليك
لازم افارق عينيك
واهجر براح اراضيك
وتسيب ايديا ايديك
فك اللجام بإيديك
ما بقتش انفع ليك
ما عاد لي اطماع فيك
ولا حتى راح اشكيك
عارفة مفيش ذييك
قلبك كبير هيخليك
تدفع حياتك شيك
بدون رصيد يحييك
مش هقدر اعيش بعدييك
ولا في يوم اعاديك
لازم بروحي افديك
عشان تعيش لياليك
مع طير يرفرف عليك
وقمرة في سما تهديك
غنوة فؤاد تشديك
فك اللجام بإديك
ما بقتش انفع ليك
عايزة اكون منسية
اسمع حروفي دية
سيبني اروح وحدية
وباقى عمرى هدية
يمكن تفكر فيا
ولا تنادى عنيا
او تبكى لحظة عليا
بدموع هنا وحنية
فك اللجام بإديك
ما بقتش انفع ليك
خليني اسيبلك صورة
اموت وانا بيها فخورة
فيها الجمال والصحة
تلمحها بعنيك لمحة
تلميسها ايدك فرحة
وهى لبسة الطرحة
سيبني اموت منصورة
احسن ما اعيش مكسورة
جنبك ومش في الصورة
باكية بروح مقهورة
بحيا لكن محسورة
فك اللجام بإديك
ما بقتش انفع ليك
سيبني حبيبي خلاص
مش هو دا الاخلاص
مش قابلة اكون احساس
ميت ماله جذور واساس
تضحك في عينه الناس
بلسان شيطان خناس
مش قابلة اعيش عاطفة
محبوسة فى ثوب شفقة
وتعيش سجين محروم
باكي العيون مهموم
ظالم بروح مظلوم
تعبان جوفك مسموم
واهي الحنان معدوم
فك اللجام بإديك
ما بقتش انفع ليك
وان زارك في يوم الشوق
احضن شمسنا فى الشروق
سايبة معاك شمسي
فيها يومي وامسي
قمرة ليالى تمسي
شوق وحنين منسي
طلت نجوم تكسي
سماك بثوب رمشي
فك اللجام بإيديك
ما بقتش انفع ليك
بقلم / أمل السيد......فك اللجام
مراجعة بواسطة
محمدلبيب
في
11:12:00 م
التقييم:
5
ليست هناك تعليقات