وتلقاني...
وتمحي كل احزاني
وبانسى معاها أي عتاب
ساعات ...
الغربه بتاخدني
وطعم المُر في حَلْقي
يعذبني..
واحس الوحده خنقاني
بتقتلني
ولما باكون مع نفسي..
الاقي الفِكْر بياخدني .. وبيجيبني
والاقي الحيره وخداني
ومش عايزه كده تسيبني
واتوه في الفِكْر واتحيَّر
وأتصور ..
جبال كاتمه على صدري
بتخنقني
ووسط الغربه والخنقه
الاقي بسمه في عيون طفله
جايه بضحكه ورديه
بتهديني يادوب ورده
تحلِّي الدنيا في عنيه
تنسيني هموم كانت
مابيني وبينها زي وثيقه ابديه
واعرف انه ..
مهما طالت الغربه
وايامي بقت صعبه
أكيد الفرحه يوم جايه
في ابسط شيئ
تنوَّرلي ف حياتي طريق
وتفتحلي شبابيك الامل تاني
ومن تاني
احس اني بقيت .... انسان
ليست هناك تعليقات