بقلم عونى هشام..............((( كداب )))..
تكدب وتقول
انى بحبك
طب كدبك
هيروح على فين
بتقولى بحبك
وانا جنبك
تبعد ما اشوف
منك عين
بيجينى جواب
مكتوب منك
بتقوللى هاجيلك
فى الحين
اتاريك كداب
حتى فى وعدك
تروح وتغيب بالشهرين
وانا من طيبة قلبى
بقولك
يا حبيبى سلامتك م العين
اتاريك لعيب
ودا كان طبعك
وبتلعب لعب العاشقين
ان قلت فى يوم
انك كداب
او شفتك ماشى
مع غيرى
تألف اعذار
وتقول بجواب
تبكى وتقول
انك طيرى
ارحمنى وسيبنى
كفاية عذاب
خلاص امشى
لوحدك سيرى
اللى ما بينا خلاص
اهو داب
وعرفت خلاص
انك كداب
حبك تقليد
لا مش اصلى
ولعبت عليا
كفاية دا كتير
حبيتك
من كل جوارحى
وظلمتنى
من غير تفسير
عايش ع الموضة
آه وآل ايه
اناقلبى
بيحب التغيير
انا بعتك
ونسيت ايامى
يا خسارة
قلبت المعايير
م اليوم
اياك يوم تهوانى
او حتى تحن
لايامى
وان مر خيالك
باحلامى
هانساه
وهنام من غير تفكير
ليست هناك تعليقات