(( صياد ))) بقلم عونى هشام

انا صياد
وعندى الصيد
كدا غية

في يوم باصطاد
طلع في الشبكة
بلطية

لونها جميل
وعند الفم اغنية

في عينها اللوم
يا عيب الشوم
وقف الدم
في ايدية

جمال جارح
قوام صارخ
ورعشة
فيها حنية

انا عاشق
شباك الصيد
لكن صادتنى
بلطية

وأنا باهواها
خدتنى معاها
جوة بحور
في الميه

غوانى العوم
وأنا م اليوم
بعوم فى بحر حنية

انا سارح من امبارح
اعوم ع الشط
فى المية

لا جانى نوم
وانا فى العوم
عايم فى حب بلطية

قلبى يدق
طول اليوم
وايه اللى جرى لية

مانيش عارف
ولا شايف
وقلبى مسكتة بايدية

انا حالم
انا نايم
وحلمى كان فى عنية

شبك صيدى
مع ليلى
وحلمى لحن اغنية

صحيت من نومى
فى غيومى
ادور عل بايديه

لقيت الشبكة
مش هيه
وراح الحلم من عينى

مسكت مخدتى بايدى
وقلت انام
كده شوية

لقيت النوم مجافينى
وحلمى
راح فى بلطية

وانا صياد
وصيدى
كان دوا عينيه

وليه نحلم
وهو الحلم
كان غية

لازم نحلم
وجنب الحلم
حط مراية
وانوى توصل الغية
انوى توصل الغية
==========
28/9/2013