" تاه الكلام" عامية بقلم / محمود وحيد
منين أبدأ؟
وأول كلمة إيه تتقال؟
كلام
ياما بقلبى كتير
ويتغنى بكام مـــــوال
بحبك؟؟؟؟؟
مش كفاية تكون
بداية قصتى بيكــــــــــى
وروحى
لو حقيقى تهون
تهون
ليكى ومش بيكى
يا عمر
رجعلى من تانــــى
وصحالى أمانيــــا
يا بسمة
قلب عاش حانى
وبأتمنى يكون ليا
عشقتك
قبل ما أسمعــــــــلك
وقبل حتى ما أحكيلك
وقبل العين ما تشتاقلك
لقيت نفسى بغنيلك
بغنيلك
قصيدة حـــــــــــــــــب
بشوقى كتبت ألحانها
بأقول فيها كلام م القلب
وقلبك ليها عنوانها
حبيبتى
يا فرحتى وعمــــــــــرى
يا أجمل كلمة بلسانى
بحبك بسمتى وقمــــــرى
وباتمناكى لزمانــــــــى
ليست هناك تعليقات