إنت السبب"" بقلم / محمود وحيد

نجوم السما

أقربـــــــــــــــــلك

ما عدتش تانى

أشتـــــــــــــاقلك

أنا ف هجرك أخدت

قرار

خلاص قررت

ما أرجعــــــــــــلك

****************

يا جارحة القلب

من يومــــــــــــك

وانا العايم

على عومـــــــك

سامحت كتير

ما حسيتى

ماعادش يفيد

خلاص لومـــــــك

****************

رميت ارضك غناوى

حنــــــــــــــــــــين

وضيعت فى هواكى

سنيــــــــــــــــــن

رويتك من دموع

سهدى

وجيت أحصد حصدت

أنيـــــــــــــــــــــــن

****************

رسمتك فوق جبين

قلبـــــــــــــــــــى

وعنونتك خُطا

دربــــــــــــــــــى

كتبتك قصة

فى عروقى

فغربتينى عن

حبـــــــــــــــــــى

****************

شاريتك وانت

بعتيـــــــــــــــنى

وبكٍيتى الهوى

بعينـــــــــــــــــى

هدمتى صرح

أشواقى

وما عرفتيش

تضمينــــــــــــــى

****************

خلاص إمشى

وفارقينـــــــــــى

وإوعى فى يوم

تلومينــــــــــــى

لومى روحك على

جروحك

أنا نسيتك

فإنسينــــــــــــى