‏الشاعر عبدالهادى الشعراوى‏\\\كلام .. الفيس !!

شباب وبنات ..

بيجمعهم رباط الفيس

كيان مهووس ..

بيمرَح في مَداه إبليس

فى آخر الليل ..

يبخ السمّ فى عقولهم

ينول منهم ..

يحلّى الضحكه فى عيونهم

بكوم .. تدليس

***

ماهو أبليس

شيطان همٌّه

يميل الجميع يمُّه

ولو شايف بعينه إمام

يغيّر فى العروق دمُّه

وانا .. كاشفُه

لأني .. من زمان عارفُه

وطول عمري وانا كارفُه

لاعمرى ف يوم مشيت ويّاه

ولا فكّرت اكون خلفُه

لأنه شيطان ..

.. وانا شاعر

ومهما لفّ يمّي ودار

هايلقىَ سدّ.. ويّا جدار

حروف رنّانه بتهاجم

وجيش سيفُه قوى بتّار

بيفضح مَكرُه وخداعه

بفكر حروف كلام واعِر

***

وانا م الفيس خلاص ملّيت

لأني نويت .. كمان وبديت

أشيله من أساس البيت

وأبنى بيتى بإيديّا

بعزمى وكلّ ماليّه

بشُعرا يعشقوا الكلمه

والمّ الصُحبه حواليّه

كيان واحد .. بيجمعنا

يخلّى للحيـاه معنى

مافيش مابنّا حدّ وضيع

لا هانطاطي ..

ولا هانضيع ..

ولا تُهنا ..

ولا بِعنا ..

براحنا وسيع

وكل الساحة تتبعنا