عــــقــــــــــد ك بــــــــــا طـــــــــل ، بقلم / ابو عمار المصرى

عبى الخزنة ..وفضى ف قلبى

واملاها تانى

أحمى أخويا الواقف جنبى

ح اكشف صدرى

فضى رصاصك كله ف قلبى

قلبى أنانى

أنا مولود ميت من يومى

سِــن بياد تــــك

دوس بالجامد .

إدهس ...إهرس

بس سيادتك مهمن تعمل

أنا واقف وحموت فى مكانى

دمى رخيص ؟..لحمى رخيص ؟

إشبع جوعك

إملا بدمى ولحمى وعضمى

الجوف الخالى

إروى جنانك..

خرج نابك

واغرزه تانى وتانى وتانى

ف كل كيانى

بس يا ويلك ..أصل جنابك

صعب حتفهم ..إن سلاحك

كل رصاصك ...وكلابك ..

وجميع حراسك

صعب تزعزع لحظة إيمانى

نام على دمى

واعمل من شريانى وسادة

جلدى البشرى ..حيرفع راسك ؟

ويقيم قيمتك .يعلى مقامك ؟

لما تفصل منه بيادة

غمض عينك..نام وارتاح

مش حيقولوا عليك سفاح

ولا نازى ..ولا حتى شارونى

بس انا نفسى

أبص ف عينك

وأشوف لونهم

وملامح وشك مع غشك

جاية منين ؟

معقولة مصرى ؟

أشك ف ذلك

إوعى تفكر إنك بكرة

حتبقى المالك

عــقـــــــدك ..باطل

تــفـــــو يـــــض بـــاطل

حيطير نسرك من على كتفك

ويشيل روحى ويطير بيها

على جنة ربى ..يوديها

نسرك ...كارهك

مش راح يلحس دمى ..

لسانه

ولا راح يرجع تانى

مكانه

لأة ياسيسى

نسرك طـــــــــــــااااااار

واتحداك لو يرجع تانى

أتحداك لو يرجع تانى