انا مش شاعر ، بقلم / عبدالهادى الشعراوى

انا مش شاعر

لكن شاعر انا بيك

ياغنواية

شوقها ضى فى عنيك

دا نبض القلب جوايا

مسا وصباح يناديك

وحلمة الفرحة تجمعنا

وترسم ضيها فيك

انا مش شاعر

لكن شاعر بما فيك

حزينة ........... اهـ

سبب حزنك انا عارفه

هقولهولك ياسلطانه

ما نش خايفه

ما انا شايفه

لكن كرفه

لا يوم خنتك ولا هنتك

ولا عصيت يوم طينتك

ولا بعتك انا بغالى

ولا يوم كنت

راس مالى

ولا رضيتك

سوى لحالى

دا انا المصرى

ونصرك هو موالى

لكن شاعر وبك مشغول

ومهما كتبت لك من قول

عمرى مش هوفى القول

لانك اية فى كتابى

وفيك اهلى وانسابى

وشريانك بيروى الكل

وارضك هى محرابى

انا مش شاعر

لكن شاعر انا بيك

بدمع وحزن فى عنيك

من اللى بيجرى م الساسة

وطمع الكل فى رئاسة

وانت الصبرة ياسمرة

وصبرك فى العيون ماسة

لكن رب الوجود عارف

وبكرة جاى نور شايف

حروف الضى فى عيونك

هترسم سكتى لونك

وترجعى تانى للعالى

برايتك تانى فى العالى

تحمى كل الامة

يامصر يا اغلى اوطانى