اوعى اوباما بقلم / الشاعر عبدالهادى الشعراوى
اوعى اوباما تكذب شعب
قام بالثورة وفوض جيش
علشان يقضى على ارهاب
زارعه فى سينا كالخفافيش
اوعى اوباما
احنا الشعب العربى الحر
طول عمرنا كارهين للظلم
مهما قسينا من شرب المر
بكره هيجى الخير ويعم
اوعى اوباما
اوعى تفكر تضرب نار
على مصر او سوريا الجار
والله هتلقى جنود ثوار
جوه اميركا بتاخد التار
اوعى اوباما
فكر ميت مره على مهلك
قبل ماصوت الموت يندهلك
اصل عرفنا اللعبة خلاص
وبملعوبك روح لاهلك
اوعى اوباما
مصر وسوريا متفقين
فى اتفاقبة لغه مع دين
جيشهم واحد حتى سلاحهم
واللى جامعهم رب الدين
اوعى اوباما
عصر القوة العظمى اهو راح
بص بعينك لو لماح
تلقى العالم طور نفسه
وبقى الملعب والله براح
اوعى اوباما
روسيا وكوريا ويا الصين
بالنووى ضبطوا الموازين
فى الملعب لعيبه كتير
لكن احذر رب الدين
اوعى اوباما
ارض الوطن العربى عرين
كل شعوبه له قرابين
لايهمنا قررات امميه
سيفنا فى ايدنا حماه للدين
اوعى اوباما
انا حذرتك باسم عروبه
ورسالتى ع الفيس مكتوبه
اوعى تفكر تضرب نار
احذر حتى تحدف طوبه
اوعى اوباما
ليست هناك تعليقات