الى صاحب الاغنية اليتيمه بقلم/ سيد نصر
النائب العام
في دولة الطراطير
صدر له قرار
كل واحد صعلوك
اتكلم أو يتكلم
او ها يتكلم
عن الحرية
يصدر له امر
اعتقال
قال ايه
بتهمة التخابر
تخابر مع دوله أجنبية
ياخساره ياحريه
يا أجمل أغنية
غنيت بيها
ياأجمل صبيه
غنيت ليها
شدي حِرامك يا صبيه
الاغنية دية
نروح نغنيها
في حتة تانيه
الناس كفرت بيها
ناس غلابه
علقوا صورة الجنرال
احمد الصرماتي
وعبده البواب
انا يابني كبرت
مابقتش شباب
دول ناس كفره
مايعرفوش ربنا
كلاب ولاد كلاب
ورجعنا تاني للاتاوه
ورجعنا تاني ننام
وعينينا مفتحه
ورجعنا تاني نخاف
من خبط الباب
الكره ملى الوشوش
الناس بقت احزاب
الانقلاب قلبها خراب
ليست هناك تعليقات