العريس بطل ، بقلم / سميره الاسريجى

زفوا العريس البطل

الليله يوم فرحه

لفوه بتوب الفرح

ذفوه مع اهله

ام العريس امنا

ومنوره شمعه

دقوا الدفوف للجدع

الزفه عمرانه

فيها الملايكه صفوف

ع الجنه سبقانا

فيها الحبايب ياما

والفرحه مش سيعانا

وعريسنا مالفرحه

طاير كما العصفور

وعروستوا فى الجنه

احلى بنات الحور

وبدمه اتحنى

ودمه نور على نور

كان الجدع خمرى

وشعره كان اسمر

بالورد والرياحين

والمسك متعطر

متوضى بترابك

وعيونه على بابك

تحرس ف احبابك

ف عز صهد الشمس

وف كل ليل الامس

عيونه سهرانه

ولا عمره مره نام

وارضه عطشانه

زفوا العريس ياخلق

الجنه فرحانه