دايره فاضية : بقلم / أبو عمار المصرى
دا يــــــــــــرة فــــــاضــيــــــــــــة
يا أرض حضنت كل أواع الشجر
حتى ...الغجر
كل البذور
عاشقة حنان قلبك
حتى الأشواك
بترويها
ولا يوم منعتى ميتك
حتى عن الحنضل
يا أرض ..أصلك
من أصل التاريخ
يا محسّــبة
يا منسّــبة
وألف آاااااه
من غياب شمس الحياه
جوة نفوس ..متعذبة
تصبح نفوس من زمهرير
متجمدة
يخرج من بين حشانا
كل أنواع الأمل
ونلقى روحنا جوة دوامة حياه
عن عمرنا
متغربة
نتوه ...نلف
فى دايرة فاضية فى الفضا
نرسم على وشوشنا
أكذب علامات الرضا
ونقول قدر
و بكرة أحلى ...جاى أكيد
نلقى الثوانى ف بكرة
راجعة للورا
متدحرجة ..مترسبة
وتخرج الروح م الجسد
فى هدووووء مميت
وتبقى أجسادنا
ولا جذوع الشجر
كل ألوان الخضار
بتهجره
أوراقه ناشفة
ضلته متسحبة
هربانة على بحر التشتت
والجراح
تلقفها موجة م الغضب
وتردها
يا ريت بقى كل البذور
كل الشجر
كل الغجر
تحضن شعاع النور
وتلزم حدها
بقلم
أبــو عــمـــــــــــا ر الــمــصـــــــر ى
ليست هناك تعليقات