نزيف قلم ، بقلم / محمد الساعي

ومن نزيف الألم

كتب القلم حكايات

عن اللي جاي والرضا

وعن اللي عدى وفات

وعن الشعور بالوجع

لما بقى علامات

وعن اللي كان وسطنا

عايش وقلبه مات

يا حرف ليه ع الورق

تكتب دموع وآهات

هو الوجع لعبتك

ولاَّ واخدها عادات

عايشيين نلوم نفسنا

وعشقنا جلد الذات

وألمنا ينزل مطر

زخَّات ورا زخَّات

ومن حروف الوجع

سطَّر كتير روايات

وابكي وقول يا قلم

خلاص شبعنا سكات

ازاي بقينا كده

وبعدت المسافات

وكرهنا ليه بعضنا

وتوهنا في المتاهات

ونسينا ليه ربنا

وغرقنا في الشهوات

والفرح ليه مختصر

مابقاش يعيش لحظات

****

لكن في قلبي أمل

هصحى عليه وهابات

وتزول يا ليل الأم

وتزول دموع واهات

ما دام مع بعضنا

ملعون يا أي شتات

وبقوتك يا رب

نقدر على الصعوبات