صباح الحنين يابلادي بقلم : وائل عبدالمنعم
صباح الحنين يابلادي
صباح الضحكة المفقودة
وادي نسيم العيد الاتي
وايده للغريق ممدودة
شايفك بتضحكي
رغم الحزن
اللي ساكن ف البيوت
لكن ضحكتك مغشوشة
كل يوم حتة منك تموت
وتحييكي القلوب الطيبة
والوشوش البشوشة
صباح الشوق واللهفة
علي اللي صرخ بعزم مافيه
وقال بحبك
وعلي اللي كتم واخفي
سهم راشق فيه
عشان ميوجعش قلبك
يا ام الجدع
طول وعرض
وقلبه اتوجع
من غربته وحنينه للأرض
وائل عبدالمنعم
ليست هناك تعليقات