مساجلة شعرية بين الزوجين الشاعرين ناجى عبد المنعم والهام شحاتة

الشاعرة الهام شحاتة

--------------

طول عمرى يا حبيبى رايداك

واتــــمـنــى حـــبك ورضــــاك

ع العهد انا ها فضل صاينــاك

هيمانه ف حـــــــبك وهـــواك

الشاعر ناجى عبد المنعم

--------------

يسلم لى كــــلامك وســـلامــك

والنـــبع الصــــافى لحنـــانـــك

كالطـــير انا طـــاير فى سمائك

هيــــمان وبيشجيـــنى غرامــك

الشاعرة الهام شحاتة

--------------

من يومها الفرحة ما بتساعنى

وغرامــك هوه سبــب سعــدى

عــايش ويايــا ف أحـــــلامــى

واتمـــــنى تــفضــــل أدامــــى

الشاعر ناجى عبد المنعم

--------------

من يوم ما دخلتى مدار قلبى

والقـــــــلب بيعــزف الحـــانى

الهـــام انا حبـــك وحبيبــــــك

وغرامــك يهتف بأغــــــــانى

الشاعرة الهام شحاتة

--------------

يا نــاجى دا انت حبيب قـــلبى

والعطـــر ف قــــلبى الفـــواح

باشتـــاق لــك وانت امير قـلبى

وانــا حبـــى ف قلبــك مرتـــاح

الشاعر ناجى عبد المنعم

----------------

من أول نظــرة أنــا حبيتــــــك

وســـافــرت ف حبـــك ســواح

لا شــبعت ف يـــوم من ترنيمك

ولا قـــلبى فى بعـــدك يرتـــــاح

الشاعرة الهام شحاتة

-----------------

تعــــال لــى أوام كده تعــــال لـى

يا حبيبى ياروح قلبى يا غالى

يا مسهرنى ايـــام وليـــــــالى

تعــــــــال لى اوام كده تعـــــــال لى

الشاعر ناجى عبد المنعم

----------------

من عشقــــك غنّيت موالى

وكــــتبت كـــلامى وأشعـــارى

عمرك مــا تغيبى عن بـــــــالى

وان غبتى يا نارى .. اّه يانارى

الشاعرة الهام شحاتة

-----------------

دا الــــــــبعد عنــــك دوّبــــــنى

والاّهــــه مش عــاوزه تسيبنى

من حبـــــك والله مــا تحرمـنى

ويــاريت يا حـــــبيبى ما تتعبنى

الشاعر ناجى عبد المنعم

--------------------

انا هــا لـــــعب زى العصـــــافير

وهـــاعيش وياكى ف اســـاطير

وان غـــابت شمســك عن يومى

هافضـــل للفجر أنا أســــــــــير

الشاعرة الهام شحاتة

----------------------

الفـــــرحة بقـــت ماليــه عيونى

وبترقــــص ولا اجمـــل طيـــــــر

لـــو مهما يقولـــو ويــــلومونى

ها نـــغنى زى العصـــــــــــــافير

الشاعر ناجى عبد المنعم

--------------

أنا نفسى تقرب من قلــبى

تقرانى كتـــاب كده مفتوح

اعزف الحــانى بشوق حبى

يظهر لى الوجه كده صبوح

الشاعرة الهام شحاتة

-----------------

وف حبك هافضل على وعدى

وتمــر الأيــــام وتعـــــــــــدى

لو ميــــت سنه هاحفظ وعدى

دا حبيبى سبب سعدى ووعدى

الشاعر ناجى عبد المنعم

---------------------

طول عمرى محروم م الشوق

وسنين العــــمر ما بتعــــــــدى

من يوم ما عرفتــــك يا حبيبى

أصبحت سبب سعدى ووعــدى

-----------------------------