قلبي اتخطف ، بقلم / محمد الساعي

قلبي اتخطف

من نظره واحده من عنيك

بقيت أسير انا بين ايديك

وساعتها حسيت قد ايه

حلوه الصُدَف

قلبي اتخطف

أول ما شفتك خدتني

ولقيت فيه شيئ بيهزني

وسهم حبك جوا قلبي

اتحدف

قلبي اتخطف

من غير مايبقى فيه كلام

سلمت قلبي والسلام

وبقيت في حاله م الغرام

ما تتوصف

والدنيا اصبح لونها وردي

والفكر بقى ياخد ويدِّي

ووقعت انا وماهش بيدي

وجيت قوام وانا باعترف

قلبي اتخطف

قلبي اللي داب من نظرتك

ووقع خلاص في محبتك

ولو توافق حضرتك

يبقى اتنصف

اخطف كمان قلبي وعيوني

نظرة عيونك دوبوني

ورموش بتضحك ..يسحروني

حبي خلاص بان وانكشف

وبقيت سعيد لما لقيت

قلبي انخطف

محمد الساعي 2013/8/13