يا نايى الحزين بقلم /محمد حسانين
يا نايى الحزين
قسم وقول موالك
صاحب قديم
عاشق غُناك وترحالك
ليه تبكى دموعك
وأبكى أنا حالك
يا نايى الحزين
قسم وقول موالك
إحكى ...... إشكى
ليه إخترت السُكات
وحكى السُكات حالك
يا نايى الحزين
قسم وقول موالك
قول لليل يا ليل إيه جابك
دا الضهر شمسه طالعة
وإنتا إيه بالنجوم جابك
يا ناى الحزين
قسم وقول موالك
ليه الماية راكدة
ليه الوشوش عِكرة
ليه سرقوا مننا
الفرحة!!!
ما تقول يا ناى
ولا أقول أنا بدالك
قول يا نايى الحزين
ليست هناك تعليقات