بقالى زمان ، بقلم / المدثر بن يحيي

وبقالى زمان

محروم من الفرحه

محروم من الضحكه

والجرح ياناس

أصبح عنوان

وبقالى زمان

تايه فى مكان

مفيهوش أصحاب

مفيهوش أحباب

مفيهوش ألوان

وبقالى زمان

ساكت مبتكلمش

والضحكه ضحكه وش

كل الكلام فيه غش

ومعدش ليا مكان

وبقالى زمان

ساكته الحياه فيه

وماليش فى الدنيا غيه

مش لاقى

فى الزحمه امان

وبقالى زمان

كتر الكلام عنى

بأحزانه بيغنى

وعيونه مليانه

أشواق وسهاد وحنان

وبقالى زمان

مش مطمن لحد

ولامصدق أى وعد

جامد أنا فى مكانى

لا أنا فرحان ولا زعلان

وبقالى زمان