‏الشاعر محمد حسن فرغلي‏ //\\ ياطيب

اعيش وياك

وهارضي معاك

وباتمناك تكون طيب

عشان طيب

ويحلي العمر ياطيب

تملي معاك

واترك في ايديك عمري

وتملك بهواك امري

وتبقالي كمان عمري

واكونلك نسمة مبتسمة

تطوف حواليك

وتفضل ليك سهرانه

وعينها عليك

تجافي النوم

عشان تحميك

وتبقي ليك

انيس لياليك

ولما بابقي في قربك

باحس الكون بقي ملكي

ويبقي الكون بيضحكلي

واكونلك شمس في نهارك

وقمر ونجوم تنورلك

ضلام ليلك

ومن قلبك انا قريب

تعيش مبسوط ياطيب

تداوي الجرح وتطيب

ياحلم جميل

وفيه مواويل

في عز النوم يصحيني

ويشجيني

وعن حزني بيبعدني

وبسمة بشوق يديني

دا انا ف بعدك

وردي مش هيلون

وزهري مش هيتكون

ولما تعود

نغم صوتك بيطربني

وللحنان يقربني

واكون وياك

انا كالطير ف قلب سماك

وفارد في الهوي جناحين

يروح علي فين

ومش خايف

مادمت معاك

أي شئ هيرضيني

كمان بسمة بتكفيني

وراضي معاك

ويوم ما لقاك

يكون عيدي

واحس معاك

نسيم من الجنة يأتيني